নিয়মীয়া বাৰ্তা ডিজিটেল, ২ এপ্ৰিলঃ আজি পঞ্চায়ত নির্বাচনৰ দিন ঘোষণাৰ সম্ভাৱনা আছে৷ আজি বিয়লি ৫ বজাত ৰাজ্যিক নির্বাচন আয়ুক্ত আলোক কুমাৰে এখন সংবাদ মেল সম্বোধন কৰিব৷ সেই সংবাদ মেলতে পঞ্চায়ত নির্বাচনৰ দিন ঘোষণাৰ সম্ভাৱনা আছে৷ কিয়নো আজিৰ উক্ত সংবাদ মেলখনত এটা গুৰুত্বপূর্ণ ঘোষণা আগবঢ়াব বুলি ৰাজ্যিক নির্বাচন আয়োগে সংবাদ মাধ্যমসমূহক উক্ত সংবাদ মেললৈ জনোৱা আমন্ত্রণত উল্লেখ কৰিছে৷ স্মর্তব্য যে মুখ্যমন্ত্রী ড০ হিমন্ত বিশ্ব শর্মাই ইতিমধ্যে ২–৪ এপ্রিলৰ ভিতৰত পঞ্চায়ত নির্বাচনৰ দিন ঘোষণা কৰিব বুলি প্রকাশ কৰি আহিছে৷ ইফালে চলি আছে ৰাভা হাছং স্বায়ত্তশাসিত পৰিষদৰ নির্বাচনৰ ভোটগ্ৰহণ৷ পুৱা ৭ বজাৰ পৰা হ’বলগীয়া ভোটগ্রহণ প্রক্রিয়া বিয়লি ৩ বজালৈ চলিব৷ এনে পৰিপ্রেক্ষিতত আজি ৫ বজাত আয়োজিত নির্বাচন আয়োগৰ সংবাদ মেলত পঞ্চায়ত নির্বাচনৰ দিন ঘোষণাৰ ধাৰণা কৰা হৈছে৷