নিয়মীয়া বাৰ্তা, ১৮ মার্চঃ ভাৰতীয় স্থল সেনাবাহিনীত মহিলা বিষয়াক স্থায়ী কমিছনৰ লগতে পুৰুষৰ সৈতে সমমর্যাদাৰ অনুমতি দিয়াৰ পিছত উচ্চতম ন্যায়ালয়ে মঙলবাৰে নৌ–বাহিনীতো মহিলা বিষয়াক স্থায়ী কমিছনৰ অনুমতি দিয়ে৷ উচ্চতম ন্যায়ালয়ৰ ন্যায়াধীশ ডি ৱাই চন্দ্রশূৰৰ নেতৃত্বত বিচাৰপীঠে কালি পুৰুষৰ সমানেই মহিলা বিষয়াকো স্থায়ী কমিছনৰ নিযুক্তি দিবলৈ ৰায় দিয়ে৷ তিনি মাহৰ ভিতৰত নৌবাহিনীত কর্মৰত মহিলা বিষয়াক স্থায়ী কমিছনৰ অনুমতি দিবলৈ কেন্দ্রীয় চৰকাৰক নির্দেশ দিয়ে সর্বোচ্চ ন্যায়ালয়ৰ বিচাৰপীঠে৷
উল্লেখ্য যে নৌবাহিনীত কর্মৰত বিষয়া এছ এছ চিৰ অধীনত ১০ বছৰত অৱসৰ ল’ব লাগে যদিও চাৰি বছৰ সম্প্রসাৰিত কৰি মুঠ ১৪ বছৰ সেৱা আগবঢ়াব বুলিও ন্যায়ালয়ে ৰায়টোত উল্লেখ কৰে৷