নিয়মীয়া বাৰ্তা, ২৯ মাৰ্চঃ বিশ্বজুৰি সংক্ৰমিত হোৱা ক’ৰোনা ভাইৰাছৰ বিৰুদ্ধে চলি থকা যুঁজখনলৈ সহায়ৰ হাত আগবঢ়াইছে প্ৰদেশ কংগ্ৰেছৰ সভাপতি ৰিপুন বৰাই ।
প্ৰদেশ কংগ্ৰেছৰ সভাপতি ৰিপুন বৰাই মুখ্যমন্ত্ৰী সাহাৰ্য পুঁজিলৈ ১ লাখ টকাৰ ধন আগবঢ়ায় । নতুন দিল্লীৰ অসম ভৱনৰ বিষয়াৰ হাতত অৰ্পন কৰে উক্ত ধনৰ এখন চেক ।
ইপিনে ৰিপুন বৰাৰ পত্নী তথা প্ৰাক্তন বিধায়িকা মণিকা বৰাইয়ো তেখেতৰ এমাহৰ পেঞ্চনৰ ধন ৪০ হাজাৰ টকা চিকিৎসাৰ বাবে আগবঢ়াইছে ।
ইয়াৰ লগতে ৰিপুন বৰাই তেখেতৰ সাংসদ পুঁজিৰ এক কোটি টকা ক’ৰোনাৰ চিকিৎসাৰ বাবে মুকলি কৰি দিয়ে ।