কামৰূপৰ নগৰবেৰা ৰাজহ চক্ৰ আৰু মন্দিৰা আৰক্ষী চকীৰ অন্তৰ্গত মালিবাৰী সত্ৰ গাঁৱৰ পথাৰত চাঞ্চল্যকৰ চুৰিকাণ্ড | একে নিশাই চোৰে লৈ গ’ল খেতিত পানী দিয়া ৫টাকৈ বৈদ্যুতিক মটৰ। পথাৰত জলসিঞ্চনৰ বাবে স্থাপন কৰা পানীৰ পাম্পবোৰ নোহোৱা হোৱাত সংশ্লিষ্ট কৃষকসকলৰ মাজত হাহাকাৰ লাগিছে |
নিশা পথাৰৰ পৰাই বৈদ্যুতিক তাঁৰ কাটি চোৰে পাম্পকেইটা লৈ উধাও হয় | গাঁওখনৰ ক্ৰমে পৰীক্ষিত বৰ্মন, মহানন্দ বৰ্মন, ৰমাকান্ত দাস, অজিত বৰ্মন আৰু খগেন বৰ্মন নামৰ কৃষককেইজনৰ পথাৰত নিশা সংঘটিত হয় এই চুৰিকাণ্ড | মটৰ চুৰি হোৱাৰ খবৰ পোৱাৰ মাত্ৰকে পথাৰত উপস্থিত হৈ কিংকৰ্তব্যবিমূঢ় হৈ পৰে প্ৰতিগৰাকী কৃষক | একেনিশাই ৫টাকৈ বৈদ্যুতিক পানী পাম্প চুৰি হোৱা খবৰে চাঞ্চল্যৰ সৃষ্টি কৰিছে অঞ্চলজুৰি ৷ আগলৈ আৰক্ষীক সক্ৰিয় হোৱাৰ আহ্বান অঞ্চলবাসী ৰাইজৰ।
নিয়মীয়া বাৰ্তা, নগৰবেৰা, ২০ ফেব্ৰুৱাৰী :