নিয়মীয়া বাৰ্তা ১০এপ্ৰিলঃ মহামাৰী ক’ৰোনা ভাইৰাছৰ আতংক মাজতে বৃহস্পতিবাৰে নলবাৰীত উপস্থিত হৈ এক পৰ্যালোচনাত অংশ লয় ৰাজ্যৰ আৰক্ষী সঞ্চালকপ্ৰধান ভাস্কৰজ্যোতি মহন্তই । এই পৰ্যালোচনা বৈঠকত পিছত সাংবাদিকৰে মুখামুখি হৈ ভাস্কৰজ্যোতি মহন্তই কয় যে এই সময়ত আৰক্ষীক অধিক সৰ্তক কৰাৰ বাবে এই বৈঠকত পৰ্যালোচনা কৰা হয় ।
লগতে কিবা কাৰণত আৰক্ষীৰ লোক ক’ৰোনাত আক্ৰান্ত হ’লে সুকীয়াকৈ চিকিৎসা কৰাৰ বাবে আছুতীয়াকৈ পোন্ধৰ শ বিছনা আৰু ত্ৰিশগৰাকী চিকিৎসক সাজু কৰি ৰখা হৈছে বুলি মন্তব্য কৰে ।
ইপিনে ছ’চিয়েল মিডিয়াৰ ক্ষেত্ৰত আৰক্ষীয়ে তীক্ষ্ণ দৃষ্টি ৰখা বুলি ব্যক্ত কৰে ।