নিয়মীয়া বাৰ্তা, ১৭ এপ্ৰিলঃ বৃহস্পতিবাৰে মৰিগাঁৱৰ এগৰাকী লোক নতুনকৈ ক’ৰোনাত আক্ৰান্ত হোৱাৰ পাছতে মৰিগাঁৱৰ উপায়ুক্ত ঋতুৰাজ বৰা আৰু আৰক্ষী অধীক্ষক স্বপ্ননীল ডেকাৰ নামো বাতৰিৰ শিৰোনাম দখল কৰিছিল । বিশেষকৈ ক’ৰোনাত আক্ৰান্ত চামছুল আলমৰ ভাষ্য অনুসৰি প্ৰশাসনৰ এই লোকসকলৰে সজাগতা সভাত মিলিত হোৱা বুলি তথ্য পোহৰলৈ অহাৰ পাছতে সমগ্ৰ ৰাজ্যতে আতংকই বিৰাজ কৰিছিল ।
কিন্তু অৱশেষত যেন ভাল খবৰটো আহিল । স্বাস্থ্যমন্ত্ৰী ড০ হিমন্ত বিশ্ব শৰ্মাই জনোৱা মতে মৰিগাঁও জিলাৰ উপায়ুক্ত আৰু আৰক্ষী অধীক্ষকৰ কোভিড-১৯ ৰোগীজনৰ সংস্পৰ্শলৈ অহাৰ ১৪ দিনৰো অধিক হৈছে ৷ চিকিৎসাবিধি অনুসৰি তেওঁলোকৰ পৰীক্ষা-নমুনা সংগ্ৰহ কৰা হৈছিল আৰু পৰীক্ষাৰ অন্তত তেওঁৰ শৰীৰত ক’ভিড-১৯ নিগেটিভ পোৱা গৈছে ।
Happy to inform that DC/SP of Marigaon District have tested negative. It is a big relief for Team Marigaon and for us @sarbanandsonwal @Pijush_hazarika @samirsinha69
— Himanta Biswa Sarma (@himantabiswa) April 17, 2020