বৰপেটা জিলা প্ৰশাসন আৰু জিলা স্বাস্থ্য বিভাগৰ সহযোগত বহিঃ জিলাৰ পৰা অহা লোকৰ শৰীৰৰ উষ্ণতা নিৰীক্ষণ
নিয়মীয়া বাৰ্তা, ২৫ এপ্ৰিলঃ বৰপেটা জিলা প্ৰশাসন আৰু জিলা স্বাস্থ্য বিভাগৰ সহযোগত আজি সৰভোগত স্বাস্থ্য বিভাগৰ দ্বাৰা শৰীৰৰ উষ্ণতা নিৰীক্ষণ কৰা হয় ৷ আজি সৰভোগত বঙাইগাঁও আৰু কামৰূপ জিলাৰ পৰা অহা ৪২ জন লোকৰ শৰীৰৰ উষ্ণতা নিৰীক্ষণ কৰা হয় ৷ পিছত প্ৰশাসনৰ তৰফৰ লোক সকলক নিজৰ গন্তব্য স্থানলৈ পঠিওৱা হয় ৷
আনহাতে বৰপেটা জিলাৰ আৰক্ষী অধিক্ষক ড০ ৰবীন কুমাৰে আজি সৰভোগত উপস্থিত হৈ নিজে সৰভোগ আৰক্ষীৰ তদাৰকী ব্যৱস্থা পৰ্য্যবেক্ষণ কৰে ৷ লগতে বৰপেটা জিলাৰ অতিৰিক্ত উপায়ুক্ত সব্যসাচী কাশ্যপ আৰু চক্ৰ বিষয়া সান্তনা বৰা আৰু সৰভোগ থানাৰ আৰক্ষী পৰিদৰ্শক সঞ্জীৱ কুমাৰ দাস উপস্থিত থাকে ৷