মৰিগাঁওত আবকাৰী বিভাগৰ সহযোগত মাল্টি ডেভেলপমেণ্ট এছচিয়েচন ৰ দ্বাৰা সংবাদ কৰ্মীৰ মাজত চেনিটাইজাৰ বিতৰণ

নিয়মীয়া বাৰ্তা ১৬ মেঃ   চৰকাৰৰ  আবকাৰী,বন ও পৰিবেশ আৰু মীন বিভাগৰ মন্ত্ৰী পৰিমল শুক্লবদ্য ৰ নেতৃত্বত আবকাৰী বিভাগে শেহতীয়াকৈ ৰাজ্যৰ কোভিড যোদ্ধা সকলৰ বাবে প্ৰয়োজন হোৱাকৈ  প্ৰস্তুত কৰা হেন্ড ছেনিটাইজাৰ আজি মৰিগাঁও ৰ অগ্ৰণী স্বেচ্ছাসেৱী সংগঠন মাল্টি ডেভেলপমেণ্ট এছচিয়েচন ৰ  বিষয় ববীয়া সকলে  মৰিগাঁও জিলাৰ  প্ৰিন্ট আৰু ইলেক্ট্ৰনিক মিডিয়া ৰ সাংবাদিক সকলৰ হাতত অৰ্পণ কৰে। আবকাৰী মন্ত্ৰী পৰিমল  শুক্লবদ্য ৰ  জনসম্পৰ্কৰক্ষী বিষয়া শৈলেন্দ্ৰ_পাণ্ডে ই বিশেষ ভূমিকা গ্ৰহণ কৰি সাংবাদিক সকলৰ বাবে একোখনকৈ শুভেচ্ছা পত্ৰ আৰু একোটাকৈ হেন্ড ছেনিটাইজাৰ প্ৰদান কৰাৰ বাবে  মৰিগাঁও ৰ জিলা মিডিয়া ক্লাব ৰ সভাপতি ৰাতুল ডেকা আৰু সম্পাদক প্ৰাঞ্জল দাসে আন্তৰিক ধন্যবাদ জ্ঞাপন কৰিছে।