নিয়মীয়া বাৰ্তা ৫জুনঃ লখিমপুৰ জিলা পৰিষদৰ সভানেত্ৰী মঞ্জু বৰ গোঁহাইয়ে আজি ঘিলামৰা উন্নয়নৰ খণ্ডৰ অন্তৰ্গত দেবলীয়া গাওঁ পঞ্চায়ত ত বিশ্ব পৰিবেশ দিৱস উপলক্ষে গছপুলি ৰোপণ কৰি দিৱস উদযাপন কৰে। ঘিলামৰা উন্নয়নৰ খণ্ডৰ টিৰ অন্যতম দেবলীয়া গাওঁ পঞ্চায়ত দিনৰ দহ বজাত পঞ্চায়ত কাৰ্যালয়ৰ চৌহদত মূল্যবান গছপুলি ৰোপণ কৰি এক চমু বক্তব্য প্ৰদান কৰে ।পৰিবেশ দিৱস ৰ এই চমু কাৰ্যসূচীত দেৱলীয়া পঞ্চায়তৰ সভাপতি দিলীপ বৰা,পঞ্চায়ত টিৰ দহটা বাৰ্ড সদস্যৰ উপৰিও ঘিলামৰা মণ্ডল বিজেপিৰ সভাপতি চন্দেশ্বৰ গগৈ, পৰ্যবেষক বিশ্ব বৰুৱাকে আদি কৰি ভালেমান কেইগৰাকী সমাজসেৱীয়ে একোডাল গছপুলি ৰোপণ কৰি অনুষ্ঠানটিত সাফল্য মণ্ডিত কৰি তুলে।