তৃতীয় আৰু ষষ্ঠ স্থান লাভ কৰি নাৰায়ণপুৰলৈ গৌৰৱ কঢ়িয়ালে দেৱিশ্মা আৰু ৰণোজজ্যোতিয়ে

নিয়মীয়া বাৰ্তা, ৬ জুনঃ ঘোষিত হ’ল হাইস্কুল শিক্ষান্ত আৰু হাই মাদ্ৰাছা পৰীক্ষাৰ ফলাফল। পুৱা ৯ বজাৰ লগে লগে ছেবাই ঘোষণা কৰিলে মেট্ৰিকৰ ফলাফল। সম্পূৰ্ণ ডিজিটেল পদ্ধতিৰে ছেবাই ঘোষণা কৰিলে ফলাফল।

হাইস্কুল শিক্ষান্ত পৰীক্ষাত লখিমপুৰ জিলাৰ নাৰায়ণপুৰৰ ঐতিহ্যমণ্ডিত জ্ঞানজ্যোতি একাডেমীৰ ছাত্ৰী দেৱিশ্মা প্ৰিয়া বৰাই তৃতীয় স্থান আৰু ৰণোজজ্যোতি বৰুৱাই ষষ্ঠ স্থান লাভ কৰিছে।

দেৱিশ্মা প্ৰিয়া বৰা নাৰায়ণপুৰৰ তাতিবাহৰৰ নিবাসী তথা নাৰায়ণপুৰ উচ্চতৰ মাধ্যমিক বিদ্যালয়ৰ জ্যেষ্ঠ শিক্ষক জয়ন্ত মাধৱ বৰাৰ কন্যা আৰু ছাত্ৰজনৰ ঘৰ ধলপুৰৰ সমীপৰ বনপুৰৈ জামুগুৰিত ঘৰ বুলি জানিব পৰা গৈছে।