নিয়মীয়া বাৰ্তা, ১৯জুনঃ মহানগৰীত ভয়ংকৰ ঘটনা। বিহাৰৰ পৰা অহা সুজিত ৰায় নামৰ লোকজন আক্ৰান্ত হয় ক’ৰোনাত, তাৰ পাছত হোম কোৱাৰেণ্টাইনত আছিল লোকজন। কিন্তু লোকজনৰ পৰিয়ালক থকা ১১জন সদস্যই চলাই আছিল তেওঁলোকৰ গাখীৰৰ ব্যৱসায়।
১১জুনত বিহাৰৰ পৰা আহিছিল সুজিত ৰায় নামৰ লোকজন মহানগৰীৰ বশিষ্ঠৰ বাসিন্দা। উল্লেখ্য যে ক’ৰোনাত আক্ৰান্ত হোৱাৰ পাছতে হোম কোৱাৰেণ্টাইনত থকা লোকজনৰ পৰিয়ালে গাখীৰ বিক্ৰী কৰি আহিছিল মহানগৰীৰ বিভিন্ন ঠাইত। আনকি তেওঁলোকৰ ঘৰৰ পৰাও গাখীৰ কিনি নিছিল বশিষ্ঠ অঞ্চলৰ বহুকেইজন লোকে।
ইতিমধ্যে প্ৰশাসনে কণ্টেইনমেণ্ট জ’ন হিচাপে ঘোষণা কৰিছে বাসগৃহটোৰ লগতে অঞ্চলটো। এই ঘটনাৰ পাছতেই সামাজিক সংক্ৰমণৰ আশংকা কৰা হৈছে। আতংকৰ সৃষ্টি হৈছে অঞ্চলটোত।