বিশ্বজুৰি ত্রাসৰ সৃষ্টিকাৰী ক’ভিড–১৯ৰ বিৰুদ্ধে চলি থকা মানৱৰ মহাসমৰখনত মানৱৰে বিজয় হ’ব, এই বিশ্বাসটো প্রায় প্রতিগৰাকী মানৱে নিজৰ সৈতে কঢ়িয়াই লৈ ফুৰিছিল৷ সেইবাবেই ইমান বিপর্যয়ৰ পিছতো ক’তো হতাশাৰ প্রতিফলন ঘটা নাছিল৷ হতাশাগ্রস্ত হৈ ক’তোৱেই মানৱ সমাজখনে শৃংখলা ভংগ কৰা নাছিল৷ চৰকাৰ–প্রশাসন, চিকিৎসাকর্মী, আৰক্ষীকে ধৰি সকলোৱে ডদ্যম নেহেৰুওৱাকৈ বিশ্বৰ সর্বত্র কাম কৰি গৈছে৷ আজিলৈকে কোনো পক্ষই ক’ভিড–১৯কবলে নোৱাৰিম বুলি ৰণক্ষেত্রৰ পৰা পৃষ্ঠভংগ দিয়া নাই৷ এই আশাবাদ আৰু মানৱ সভ্যতাক যিকোনো ডপায়ে সংকটটোৰ পৰা ডদ্ধাৰ কৰিম বুলি দৃঢ়তাৰে কৰি অহা কামৰ সুফল লাহে লাহে ওলাবলৈ ধৰিছে৷ মাৰাত্মক ভাইৰাছটোক পৰাজিত কৰাৰ দিশলৈ অগ্রসৰ হৈছে পৃথিৱীখন৷ বিশ্বৰ ঠায়ে ঠায়ে ক’ভিড–১৯ক প্রতিৰোধ কৰাৰ অর্থে দৰব ডদ্ভাৱনৰ প্রয়াসে মানুহৰ মাজত এটাৰ পিছত এটাকৈ আশাৰবাতৰি কঢ়িয়াই আনিছে৷ ভাৰতবর্ষতে সাতটা ক’ভিড–১৯ প্রতিৰোধী ভেকচিন প্রস্তুতৰ কাম পূর্ণোদ্যমে চলি আছে৷ ইয়াৰে হায়দৰাবাদৰ দৰব প্রস্তুতকাৰী কোম্পানী ভাৰত বায়’টেকৰ ‘ক’ভাক্সিন’–এ ক’ৰোনাবিৰোধী যুঁজখনক মানৱৰ সপক্ষে যথেষ্ট পৰিমাণে শক্তি প্রদান কৰিছে৷ তদুপৰি, জুডাছ কেডিলা, পেনেনকা বায়’টেক, ইণ্ডিয়ান ইমিডন’লজিকেল ভেকচিন, মিনভ্যাক্স আদি ঔষধ প্রস্তুতকাৰী প্রতিষ্ঠানে ক’ভিড–১৯ক পৰাভূত কৰাৰ বাবে ভেকচিন প্রস্তুতত যথেষ্টখিনি আগবাঢ়ি গৈছে৷ বিশ্বৰ প্রেক্ষাপটখনলৈ চালে, এনে শ শ ঔষধ প্রস্তুত প্রতিষ্ঠানৰ তালিকা ওলাব, যিয়ে প্রকৃতার্থত মানৱক এই বিপর্যয়ৰ পৰা ৰক্ষা কৰিবলৈ দিন–ৰাতি একাকাৰ কৰি গৱেষণা চলাই আছে৷ তাৰ ফলো আশাপ্রদ হৈ ওলাই আছে৷ এইক্ষেত্রত সবাৰো আগেয়ে ল’ব পৰা নামটো হ’ল অক্সফ’ড বিশ্ববিদ্যালয়৷ বিশ্ববিদ্যালয়খনে ক’ভিড–১৯ৰ পৰা মানৱ সমাজক সুৰক্ষিত কৰাৰ অর্থে ডলিওৱা দৰববিধ এতিয়া সমগ্র বিশ্বৰ বাবে চর্চাৰ বিষয় হৈ পৰিছে৷ ভেকচিনটোৰ দ্বিতীয় পর্যায়ত মানৱ দেহত প্রয়োগো সফল হোৱা বুলি খ্যাতিমান আন্তর্জাতিক চিকিৎসা জার্নেলত প্রকাশ পাইছে৷ ভেকচিনটোৰ পার্শ্বক্রিয়াও চিন্তাজনক নহয় বুলি প্রকাশ পাইছে৷ এনে অৱস্থাত ভেকচিনটোৱে বিশ্বত ত্রাসৰ সৃষ্টি কৰা ভাইৰাছটোৰ পৰা মানৱক সুৰক্ষা দিব পাৰিববুলি বিশ্বাসৰ পৰিৱেশ এটা সৃষ্টি হৈছে৷
অক্সফ’ড বিশ্ববিদ্যালয়ে প্রস্তুত কৰা ভেকচিনটোৰ সৈতে ভাৰতৰো সম্পর্ক এটা গঢ়ি ডঠিছে৷ ১৩০ কোটি জনসাধাৰণৰ দেশখনত ভেকচিনটো প্রস্তুত কৰাৰ দায়িত্ব ছীৰাম ইনষ্টিটিডিট অৱ ইণ্ডিয়াই লাভ কৰাবুলি খবৰ ওলাইছে৷ ইনষ্টিটিডটে অক্সফ’ড বিশ্ববিদ্যালয়ৰ সহযোগী গৱেষণা প্রতিষ্ঠান এষ্ট্রা জেনেকাৰ সৈতে চুক্তিবদ্ধ হৈ ভেকচিনটো ভাৰতত ডৎপাদন কৰাৰ অধিকাৰ লাভ কৰিছে৷ ছীৰাম ইনষ্টিটিডটৰ তৰফৰ পৰা ইতিমধ্যে ভাৰত চৰকাৰৰ ড্রাগ কণ্ড্র’লাৰক আবেদন জনাই ভেকচিনটোৰ মানৱ দেহত পৰীক্ষাৰ বাবে অনুমতি বিচৰা হৈছে৷ সকলো ঠিকে–ঠাকে থাকিলে, আগষ্টৰ পৰাই ভাৰতবর্ষত ভেকচিনটোৰ মানৱ দেহত পৰীক্ষামূলক ব্যৱহাৰ আৰম্ভ হ’ব৷ ভেকচিনটোৱে ইতিমধ্যে বিশ্বজুৰি যি আশাৰ বাতাৱৰণ সৃষ্টি কৰিছে, সেয়া যদি সার্থক হয়, তেন্তে ক’ভিড–১৯ নামৰ মাৰাত্মক ভাইৰাছটোৰ পৃথিৱীত চাডল ডকলিবলৈ বেছি পৰ নালাগিব৷ তদুপৰি, ভাইৰাছটোৰ পৰা আৰোগ্য লাভ কৰা পৃথিৱীৰ লাখ লাখ লোকৰ দেহত ইতিমধ্যে ভাইৰাছবিধৰ বিৰুদ্ধে স্বয়ংক্রিয়ভাৱে প্রতিৰোধ ক্ষমতা এটা গঢ়ি ডঠিছে৷ এই সকলোবোৰ মিলি ভাইৰাছটোতকৈ মানৱ সভ্যতা লাহে লাহে অধিক শক্তিশালী হৈ ডঠিব ধৰিছে৷ হয়তো সেই দিনটোলৈ আৰু অধিক কাল অপেক্ষা কৰিব লগা নহ’ব, যিটো দিনত লকডাডন মাথোঁ স্মৃতি, সাহিত্য, নাটক, চিনেমাৰ অংশ হৈহে থাকিব৷ কিন্তু লগতে এইটো কথাও মনত ৰখা দৰকাৰ যে এই মুহূর্তত ভাইৰাছটোক সম্পূর্ণৰূপে পৰাজিত কৰাৰ দৰব পৃথিৱীত নাই৷ ইয়াৰ পৰা নিজকে তথা পৰিয়ালটোক সুৰক্ষিত কৰি ৰখাৰ কিছু ডপায়হে আছে৷ অর্থাৎ সামাজিক দূৰত্ব মানি চলা, মাস্ক পিন্ধা, হাত দুখন সততে ধুই থকা, ছেনিটাইজাৰ ব্যৱহাৰ কৰা আদিৰে ভাইৰাছটোৰ পৰা নিজকে আঁতৰাই ৰাখিব পাৰি৷ যেতিয়ালৈকে ভাইৰাছটোক পৰাভূত কৰিব পৰাকৈ বজাৰত দৰব ডপলব্ধ নহ’ব, তেতিয়ালৈকে মানৱ সভ্যতাৰ বাবে ডপায় এটাই আছে– ভাইৰাছটোক কাষলৈ অহাত বাধা দিব লাগিব৷ তাৰবাবে প্রয়োজন হ’ব নিজৰ দেহটোক বিশেষকৈ নাক, চকু, মুখ আদি যাতে ভাইৰাছটোৰ কাষলৈ নাযায়, সেইটো নিশ্চিত কৰা৷ ঘৰত থাকিলে, অনাহকত ৰাজহুৱা স্থানলৈ নোলালে, ক’ভিড–১৯ৰ পৰা নিজকে সুৰক্ষিত কৰি ৰখা আন আন ডপায় অৱলম্বন কৰিলে, ভাইৰাছটোৰ সংক্রমণ যথেষ্টখিনি নিয়ন্ত্রণত থাকিব৷