নিয়মীয়া বাৰ্তা ১৮ আগষ্টঃ জম্মু–কাশ্মীৰৰ বাৰামুলা জিলাৰ ক্রীৰি অঞ্চলত আৰক্ষী আৰু চি আৰ পি এফৰ যৌথ অভিযানত দুটা সন্ত্রাসবাদী নিহত হৈছে৷ উল্লেখনীয় যে চি আৰ পি এফ আৰু আৰক্ষীৰ টহলদাৰী দলৰ ওপৰত আক্রমণ চলোৱা ঘটনাত জড়িত আছিল এই সন্ত্রাসবাদী দুটা৷ মাত্র এদিন পূর্বে বাৰামুলা জিলাত সন্ত্রাসবাদী আক্রমণত শ্বহীদ হৈছিল চি আৰ পি এফৰ দুজন জোৱান আৰু জম্মু–কাশ্মীৰ আৰক্ষীৰ এজন বিষয়া৷ এই বাতৰি যুগুতোৱাৰ পৰলৈ অঞ্চলটোত নিৰাপত্তা বাহিনীৰ অভিযান অব্যাহত আছে৷ স্মর্তব্য যে শেহতীয়াকৈ বাৰামুলা জিলাৰ কেইবাটাও স্থানত নিৰাপত্তা বাহিনীৰ বিৰুদ্ধে আক্রমণ চলাইছে সন্ত্রাসবাদীয়ে৷ এই আক্রমণৰ ঘটনাত লস্কৰ–ই–তৈবা সন্ত্রাসবাদী জড়িত থকা বুলি সন্দেহ কৰা হৈছে৷