নিয়মীয়া বাৰ্তা, ২ ছেপ্টেম্বৰঃ পানীখাইতী আৰক্ষী চকীৰ অন্তর্গত বেঙেনাবাৰীত বিগত কেইবাদিন ধৰি চোৰৰ উপদ্রৱ হোৱা পৰিলক্ষিত হৈছে৷ স্থানীয় ৰাইজে জানিব দিয়া মতে, এটা সপ্তাহৰ ভিতৰত অঞ্চলটোৰ পৰা তিনিখন চাইকেল চুৰি হৈছে৷ প্রাপ্ত তথ্য অনুসৰি, পথৰ দাঁতিত ৰখাই থোৱা অৱস্থাত দিন–দুপৰতে চাইকেল লৈ উধাও হৈছে চোৰে৷
আনহাতে পথৰ দাঁতিত ৰখাই খোৱা বাইক অথবা দুচকীয়া বাহনৰ পৰা ইন্ধনত ব্যৱহূত তেল উলিয়াই নিয়া আন এটা চোৰচক্রৰ আৱির্ভাৱ হৈছে অঞ্চলটোত৷ দিন–দুপৰতে অঞ্চলটোত চোৰৰ এনে উপদ্রৱৰ ফলত আতংকিত হৈ পৰিছে অঞ্চলবাসী৷ উল্লেখ্য যে দীর্ঘদিনীয়া লকডাউনৰ ফলত বহু যুৱক তথা লোক কর্মহীন হৈ চৰম অভাৱ–নাটনত দিন অতিবাহিত কৰিব লগা হৈছে৷