নিয়মীয়া বাৰ্তা ১৫ অক্টোবৰঃ প্রসিদ্ধ কুচিপুডি নৃত্যাংগনা ড০ শোভা নাইডুৰ দেহাৱসান ঘটিছে৷ ২০০১ চনত পদ্মশ্রী সন্মান লাভ কৰা নাইডুৱে নৃত্য চূড়ামণি, সংগীত নাটক একাডেমীকে ধৰি বিভিন্ন সন্মান লাভ কৰিবলৈ সক্ষম হৈছে৷ ৬৪ বছৰীয়া নাইডুৱে বুধবাৰে পুৱাৰ ভাগত ব্যক্তিগত হাস্পতাল এখনত শেষ নিশ্বাস ত্যাগ কৰে৷ দীর্ঘদিন ধৰি স্নায়ুৰোগত ভুগি আছিল নৃত্যাংগনাগৰাকী৷ নাইডুৰ স্বামী অর্জুন ৰাও এগৰাকী অৱসৰপ্রাপ্ত আই এ এছ বিষয়া৷ উল্লেখনীয় যে ব্রিটেইন, আমেৰিকা, ডুবাই, তুৰস্ক, হংকং, মেক্সিকো, ভেনিজুৱেলা আদি বিভিন্ন দেশত নৃত্য পৰিৱেশন কৰি খ্যাতি অর্জন কৰিছিল নাইডুৱে৷নৃত্যাংগনাগৰাকীৰ বিয়োগে গভীৰ শোক প্রকাশ কৰিছে তেলেংগানাৰ মুখ্যমন্ত্রী কে চন্দ্রশেখৰ ৰাৱে৷ ইফালে অন্ধ্র প্রদেশৰ মুখ্যমন্ত্রী তথা ৰাজ্যপালেও গভীৰ শোক প্রকাশ কৰিছে৷