নিয়মীয়া বাৰ্তা, ৬ ডিচেম্বৰঃ বিটিআৰৰ প্ৰথম পৰ্যায়ৰ নিৰ্বাচনী প্ৰচাৰ শেষ হোৱাৰ পিছত দ্বিতীয় পৰ্যায়ৰ নিৰ্বাচনী প্ৰচাৰত ভাগ ল’লে বিত্তমন্ত্ৰী ড০ হিমন্ত বিশ্ব শৰ্মাই। আজি মন্ত্ৰীগৰাকীয়ে চিৰাং আৰু চেৰফাংগুৰিৰ দুখনকৈ নিৰ্বাচনী প্ৰচাৰ সভাত অংশ লয়।
সভাত অংশ লৈ ড০ শৰ্মাই কয়- ‘অনাময় আঁচনিৰো পইচা কোনোবাই খাইনে? মই আমেৰিকা, ইংলেণ্ডকে ধৰি ভাৰতৰ প্ৰায়ভাগ ৰাজ্য ঘূৰিলো, কিন্তু অনাময় আঁচনিৰ টকা খোৱা পাৰ্টী বিশ্বত এটাই আছে আৰু সেইটো হ’ল বিপিএফ। এইটো গীনীজ ৱৰ্ল্ড ৰেকৰ্ডত গুচি গল।’
দুখনকৈ নিৰ্বাচনী প্ৰচাৰ সভাত অংশগ্ৰহণৰ পিছত থুৰিবাৰীত এক দীঘলীয়া পদযাত্ৰা কৰে মন্ত্ৰীগৰাকীয়ে। প্ৰথম পৰ্যায়ৰ নিৰ্বাচন সন্দৰ্ভত ড০ শৰ্মাই কয় যে ২১খন আসনৰ ভিতৰত ১৪খন আসন বিজেপিয়ে পাব বুলি আশাবাদী।