নিয়মীয়া বাৰ্তা ২৯ ডিচেম্বৰঃ দেশজুৰি শীতৰ প্রকোপ ক্রমান্বয়ে গভীৰ হৈ পৰিছে৷ ভাৰতীয় বতৰ বিজ্ঞান বিভাগে দিয়া আগজাননী অনুসৰি দেশজুৰি এই শীতৰ প্রকোপ ইংৰাজী নৱবর্ষৰ প্রাক্ক্ষণলৈকে অব্যাহত থাকিব৷ বিগত ২৪ ঘণ্টাত পঞ্জাব, হাৰিয়ানা আৰু দিল্লীৰ সর্বনিম্ন তাপমাত্রা ১ ডিগ্রীলৈ নিম্নগামী হৈছে৷ আনপিনে ৰাজস্থানত এই তাপমাত্রা ৩ ডিগ্রী৷ ছুৰুত সর্বনিম্ন ০.৬ ডিগ্রী৷ ইপিনে, নৱবর্ষৰ প্রাক্ক্ষণলৈকে দক্ষিণ–পশ্চিম ভাৰতৰ ৰাজ্যসমূহ ঘন কুঁৱলীৰে আৱৰি থাকিব৷ আইএমডিৰ আগজাননী অনুসৰি উত্তৰাখণ্ড, হিমাচল প্রদেশ, পঞ্জাব, হাৰিয়ানা, চণ্ডীগড়, উত্তৰ প্রদেশৰ উত্তৰ–পশ্চিম অঞ্চলত ৩০, ৩১ ডিচেম্বৰ আৰু ১ জানুৱাৰীৰ আকাশ ঘন কুঁৱলীৰে আৱৰি থাকিব৷