নিয়মীয়া বাৰ্তা ১৩ মাৰ্চঃ তিহাৰ জে’লত সন্ত্রাসবাদৰ গোচৰত দোষী সাব্যস্ত হোৱা অপৰাধীৰ কুঠৰীত এটা ম’বাইল ফোন উদ্ধাৰ হোৱাৰ পিছতে দেশজুৰি তীব্র চাঞ্চল্যৰ সৃষ্টি হৈছে৷ দিল্লীৰ গৃহমন্ত্রী সত্যেন্দ্র জৈনে আজি উল্লেখ কৰিছে যে এই চাঞ্চল্যকৰ ঘটনাৰ পিছতে তদন্তৰ নির্দেশ দিয়া হৈছে৷ উল্লেখনীয় যে তিহাৰ কাৰাগাৰত ৰক্ষীয়ে এই ম’বাইল ফোনটো কুঠৰীত লাভ কৰিবলৈ সক্ষম হৈছিল৷ এই ঘটনা সন্দর্ভত তদন্তৰ নির্দেশ দিয়াৰ উপৰি দোষী ব্যক্তিৰ বিৰুদ্ধে কঠোৰ ব্যৱস্থা গ্রহণ কৰা হ’ব বুলিও উল্লেখ কৰিছে মন্ত্রীগৰাকীয়ে৷ ইতিমধ্যে মন্ত্রীগৰাকীয়ে দিল্লী আৰক্ষীৰ সঞ্চালকপ্রধানলৈ এক পত্রও লিখিছে৷ আৰক্ষীয়ে সন্দেহ কৰা অনুসৰি টেলিগ্রাম চেনেল চলোৱাৰ বাবে এই ফোনটো ব্যৱহাৰ কৰা হৈছিল৷ ইছলামিক জেহাদী গোটৰ সন্ত্রাসবাদীয়ে এই ফোনটো ব্যৱহাৰ কৰিছিল বুলিও সন্দেহ কৰিছে দিল্লী আৰক্ষীয়ে৷