নিয়মীয়া বাৰ্তা ২৮ জুনঃ গুৱাহাটী ষ্টেচনত দেওবাৰে আৰ পি এফ আৰু জি আৰ পিয়ে যুটীয়াভাৱে অভিযান চলাই ড্রাগ্ছসহ তিনিগৰাকী মহিলা সৰবৰাহকাৰীক গ্রেপ্তাৰ কৰিবলৈ সক্ষম হয়৷ আৰ পি এফে লাভ কৰা তথ্যৰ ভিত্তিত নামনিমুৱা আগৰতলা দেওঘৰ এক্সপ্রেছত অভিযান চলাই ৮.৪ কিলোগ্রাম গাঞ্জা জব্দ কৰে৷ ৰে’ল আৰক্ষীয়ে গাঞ্জা সৰবৰাহ কৰা তিনিগৰাকী মহিলা ক্রমে সুনীতা দেৱী (৪০), ৰিপটা দেৱী (৪৫) আৰু কিৰণ দেৱী (৪৮)ক গ্রেপ্তাৰ কৰে৷ ধৃত তিনি সৰবৰাহকাৰীৰ বিৰুদ্ধে ৰে’ল আৰক্ষীয়ে এন ডি পি এছ এক্টৰ অধীনত এটা গোচৰ ৰুজু কৰি তদন্ত অব্যাহত ৰাখিছে৷ গাঞ্জাখিনি মহিলাকেইগৰাকীয়ে বিহাৰলৈ নিয়াৰ যো–জা কৰিছিল৷