নিয়মীয়া বাৰ্তা ১৪ আগষ্টঃ গুৱাহাটী পৌৰ নিগম কর্তৃপক্ষই মহানগৰীৰ ৰাজহুৱা স্থান, পদপথত ঘূৰি ফুৰা পশুধনৰ নিলাম সন্দর্ভত শেহতীয়াকৈ এক নির্দেশনা জাৰি কৰিছে৷ পদপথ আৰু ৰাজহুৱা স্থানত ঘূৰি ফুৰা পশুধন গুৱাহাটী পৌৰ নিগমৰ আইন অনুসৰি ৩৫৬ ধাৰাৰ অধীনত এসপ্তাহৰ বাবে ফাটেকত ৰখা হ’ব৷ এই এসপ্তাহৰ ভিতৰত মালিকপক্ষই যাৱতীয় নথি–পত্র আৰু জৰিমনা দি পশুধন মোকলাই নিব পাৰিব৷
অন্যথা প্রতি সপ্তাহে জি এম চিয়ে জব্দ কৰা পশুধন নিলাম কৰা হ’ব৷ পৌৰ নিগম কর্তৃপক্ষই জব্দ কৰা পশুধন ৰখাৰ বাবে জালুকবাৰী ফাটেক আৰু খানাপাৰা ফাটেক দুখনৰ অনুমতি প্রদান কৰিছে৷ ১–১৫নং ৱার্ডৰ ভিতৰত জিএমচিয়ে জব্দ কৰা পশুধন জালুকবাৰী ফাটেকত আৰু ১৬–৩১নং ৱার্ডত জব্দ কৰা পশুধন খানাপাৰা ফাটেকত ৰখাৰ নির্দেশনা জাৰি কৰিছে৷
জালুকবাৰী ফাটেকত প্রতি শুকুৰবাৰে ১১ বজাৰ পৰা ১ বজাৰ ভিতৰত আৰু খানাপাৰা ফাটেকত প্রতি বৃহস্পতিবাৰে ১১ বজাৰ পৰা ১ বজালৈ পশুধন নিলাম কৰা হ’ব বুলি নির্দেশনা জাৰি কৰিছে৷