নিয়মীয়া বাৰ্তা, ২৩ আগষ্ট: অষ্ট্রেলিয়া মহিলা ক্রিকেট দলটোৰ তাৰকা পেচ বলাৰ মেগান স্কটৰ ঘৰলৈ আহিছে এটি কন্যা শিশু৷ ছ’চিয়েল মিডিয়াৰ জৰিয়তে মেগানে তেওঁলোকৰ ঘৰলৈ কন্যা শিশুটি অহাৰ খবৰ ৰাজহুৱা কৰে৷
মন কৰিবলগীয়া যে মেগানৰ গার্লফ্রেইণ্ড জেছ হলিয়কে যোৱা ১৭ আগষ্টত এটি কন্যা সন্তান জন্ম দিয়ে৷ অষ্ট্রেলিয়া মহিলা ক্রিকেট দলটোৰ পেচ বলাৰ মেগানে কয় যে যোৱা ১৭ আগষ্টৰ সন্ধিয়া তেওঁৰ জীৱন সংগীনী জেছে এক জৰুৰীকালীন চি ছেক্সনৰ জৰিয়তে কন্যা সন্তানটো জন্ম দিয়ে৷
সন্তানটোৰ ওজন আছিল ৮৫৮ গ্রাম৷ ২৮ সপ্তাহ আৰু ছদিনৰ মূৰত জন্ম লাভ কৰা কন্যা সন্তানটোৰ লগতে জেছ আৰু তেওঁৰ ছবি ছ’চিয়েল মিডিয়াত আপলোড কৰে মেগানে৷ ২০১৯ৰ মার্চত মেগান স্কটে তেওঁৰ দীর্ঘদিনীয়া গার্লফ্রেইণ্ড জেছ হলিয়কৰে বিবাহপাশত আবদ্ধ হৈছিল৷