নিয়মীয়া বাৰ্তা ৬ ছেপ্টেম্বৰঃ আজিৰে পৰা পুনৰ আৰম্ভ হ’ব গুৱাহাটী–উত্তৰ গুৱাহাটী ফেৰী সেৱা৷ ক’ৰোনা মহামাৰীৰ সংক্রমণ ৰোধৰ প্রতি লক্ষ্য ৰাখি সুদীর্ঘ চাৰি মাহ বন্ধ ৰখাৰ পিছত ব্রহ্মপুত্রৰ মাজেৰে পুনৰ কাইলৈৰ পৰা ফেৰী সেৱা আৰম্ভ হ’ব৷ আভ্যন্তৰীণ জল পৰিবহণৰ এক সূত্রই জনোৱা মতে পুৱা ৬ বজাৰ পৰা নিশা ৮ বজালৈ ক’ভিড প্রট’কল মানি যাত্রীসকলে যাতায়াত কৰিব পাৰিব৷ অৱশ্যে ব্রহ্মপুত্রৰ বালিচৰৰ বাবে মধ্যম খণ্ড পাৰঘাটৰ পৰিৱর্তে ৰজাদুৱাৰঘাটৰ পৰা গুৱাহাটী–উত্তৰ গুৱাহাটী ফেৰী সেৱা অব্যাহত থাকিব৷