নিয়মীয়া বাৰ্তা, ২৪ অক্টোবৰঃ বঙাইগাঁও জিলাৰ যোগীঘোপা থানাৰ অন্তৰ্গত কাবাইটাৰীত নিশা ড্ৰাগছৰ বিৰুদ্ধে আৰক্ষীৰ অভিযান। আৰক্ষীৰ অভিযানত নিচাজাতীয় ঔষধসহ দুজন ড্ৰাগছ ব্যৱসায়িক আটক কৰে। জানিব পৰা মতে যোগীঘোপা থানাৰ ভাৰপ্ৰাপ্ত আৰক্ষী বিষয়া ৰাহুল দেউৰীৰ নেতৃত্বত আৰক্ষীৰ এটা বৃহৎ দলে যোগীঘোপাৰ কাবাইটাৰীত অভিযান চলায় । আৰক্ষীৰ উক্ত অভিযানত ড্ৰাগছ ব্যৱসায়ী ৰফিউল হুছেইন আৰু চাইদুল ইছলামক আটক কৰে।
আৰক্ষীয়ে দুজন লোকক আটক কৰাৰ লগতে দুটা মবাইল ফোন, সৰ্বমুঠ ৮৭৬ টা নিচাজাতীয় টেবলেট জব্দ কৰাৰ লগতে ৮৭৩৫ টকা নগদ ধন উদ্ধাৰ কৰে।
আনহাতে দীৰ্ঘদিনৰ পৰা এই ব্যৱসায়ত জড়িত থকা ৰফিউল হুছেইন আৰু চাইদুল ইছলামক আটক কৰি সোধা-পোছা অব্যাহত ৰাখিছে। আৰক্ষীয়ে এই সন্দৰ্ভত ৩৮৩/২০২১ নম্বৰত এটা গোচৰ পঞ্জীয়ন কৰি তদন্ত অব্যাহত ৰাখিছে ।
Input: টিংকু চন্দ্ৰ দাস, যোগীঘোপা