নিয়মীয়া বাৰ্তা, ২৯ অক্টোবৰ: হোজাইত ৩১ অক্টোবৰত উচ্চ প্ৰাথমিক আৰু নিম্ন প্ৰাথমিকৰ বাবে অনুষ্ঠিত হ’বলগীয়া সাধাৰণ টেট পৰীক্ষা ২০২১ সুকলমে অনুষ্ঠিত কৰাৰ প্ৰতি লক্ষ্য ৰাখি আজি হোজাইৰ উপায়ুক্ত অনুপম চৌধুৰীয়ে হোজাইৰ ৰাষ্ট্ৰভাষা উচ্চতৰ মাধ্যমিক বিদ্যালয়, যোগীজান উচ্চতৰ মাধ্যমিক বিদ্যালয়, বিবেকানন্দ বিদ্যালয়, নেতাজী বিদ্যানিকেতন উচ্চতৰ মাধ্যমিক বিদ্যালয়, মাৰিয়াম আজমল মহিলা বিজ্ঞান আৰু প্ৰযুক্তিবিদ্যা মহাবিদ্যালয় পৰীক্ষা কেন্দ্ৰসমূহত উপস্থিত হৈ যাবতীয় প্ৰস্তুতিৰ বুজ লোৱাৰ লগতে বিদ্যালয় কৰ্তৃপক্ষসকলৰ সৈতে আলোচনাত মিলিত হয়। পৰিদৰ্শন কালত উপায়ুক্তগৰাকীৰ সৈতে অতিৰিক্ত উপায়ুক্ত(শিক্ষা) ৰক্তিম বৰুৱা, সমগ্র শিক্ষা অভিযানৰ জিলা প্ৰগ্ৰেম বিষয়া অনিমেষ আচাৰ্য্যৰ লগতে শিক্ষা বিভাগৰ বিভিন্ন বিষয়া, কৰ্মচাৰী উপস্থিত থাকে।