নিয়মীয়া বাৰ্তা,৪ নৱেম্বৰ : দিপাৱলীৰ উখল মাখল পৰিবেশৰ মাজতে আজি সন্ধিয়াৰ ভাগত বিজনীত আৰক্ষীৰ অভিযানত ড্ৰাগছসহ গ্ৰেপ্তাৰ সৰবৰাহকাৰী।ধৃত সৰবৰাহকাৰীটো নৰ্থ বঙাইগাঁও নিবাসী ৰমজান ৰহমান(৩৬)। সৰবৰাহকাৰীটোৰ পৰা আৰক্ষীয়ে ড্ৰাগছভৰ্তি এটা চাবোন কেছ, দুটা চাধাৰ টেমা, এটা মোবাইল হেণ্ডছেট আৰু AS 19M 0621 নম্বৰৰ এখন হোণ্ডা ছাইন বাইক জব্দ কৰিবলৈ সক্ষম হয়।
জব্দকৃত ড্ৰাগছ খিনিৰ ওজন ৪.৫৬০ গ্ৰাম বুলি জানিব পৰা গৈছে। আৰক্ষীৰ গোপন খবৰৰ ভিত্তিত বিজনী মহকুমা আৰক্ষী বিষয়া শেখৰজ্যোতি ৰয়ৰ নেতৃত্বত বিজনীৰ আৰক্ষীয়ে বিজনী গেৰুকাবাৰী পথত ড্ৰাগছসহ গ্ৰেপ্তাৰ কৰে সৰবৰাহকাৰীটোক। জানিব পৰা মতে ড্ৰাগছ সৰবৰাহকাৰী ৰমজান ৰহমানে বিজনীৰ পুৰাণ বিজনীত দীৰ্ঘদিনৰ পৰা ভাৰাতীয়া হিচাপে থাকে।