নিয়মীয়া বাৰ্তা ১২ নৱেম্বৰঃ বগীনদী আদৰ্শ উচ্চতৰ মাধ্যমিক বিদ্যালয়ৰ সদ্য অৱসৰপ্ৰাপ্ত সহকাৰী শিক্ষক খগেন গগৈক আজি আনুষ্ঠানিক ভাৱে বিদায় সম্বৰ্ধনা জনোৱা হয়। ১৯৮১ চনত তাৰিয়নি বৰবিল হাইস্কুলৰ পৰা শিক্ষকতাৰ জীৱন আৰম্ভ কৰা শিক্ষক গৰাকীয়ে সুদীৰ্ঘ ৩০ বছৰ ধৰি শিক্ষাদান কৰি চলিত বৰ্ষৰ ৩১ মে’ত চৰকাৰী ভাৱে অৱসৰ গ্ৰহণ কৰে। যদিও দেশ তথা ৰাজ্যত চলি থকা ভয়াবহ ক’ভিড পৰিস্থিতিৰ বাবে সদ্য অৱসৰপ্ৰাপ্ত শিক্ষকগৰাকীক বিদ্যালয়ৰ পৰিয়ালৰ পৰা আনুষ্ঠানিক ভাৱে বিদায় জনোৱা নাছিল।
আজি আনুষ্ঠানিকভাৱে বিদায়ী শিক্ষকগৰাকীক বিদায় সম্বৰ্ধনা জনোৱা হয়। দিনযোৰা কাৰ্যসূচীৰে বিদ্যালয়ৰ প্ৰেক্ষাগৃহত আজি অনুষ্ঠিত হোৱা এই সম্বৰ্ধনা সভাত সভাপতিত্ব কৰে বিদ্যালয়ৰ অধ্যক্ষ গৰ্কী বুঢ়াগোঁহাইয়ে বিদ্যালয়ৰ ছাত্ৰী সকলে পৰিবেশন কৰা বৰগীতেৰে আৰম্ভ হোৱা এই অনুষ্ঠানত বিদায়ী শিক্ষকগৰাকীক বিদ্যালয় পৰিয়াল বৰ্গ আৰু ছাত্ৰ ছাত্ৰীৰ তৰফৰ পৰা সম্বৰ্ধনা পত্ৰ, চেলেং চাদৰ, ফুলৰ থোপা, ছাতি, মুল্যবান কিতাপৰ টোপোলাৰে সম্বৰ্ধনা জনোৱাৰ উপৰিও, ব্যক্তিগত ভাবে আৰু স্কাউট গাইডৰ তৰফৰ পৰা ফুলাম গামোচা, আৰনাই আদিৰে সম্বৰ্দ্ধনা জনোৱা হয়।