নিয়মীয়া বাৰ্তা, ১৭ ডিচেম্বৰঃ ভাৰত বৰ্ষত গণিত জনপ্ৰিয় কৰাৰ উদ্দেশ্যে আহমেদাবাদৰ পৰা যাত্ৰা আৰম্ভ কৰা কেইগৰাকীমান বিশিষ্ট গণিতজ্ঞ আজি শুৱালকুছিৰ গণেশ দাস হাইস্কুলত উপস্থিত হৈ গণিত কেনেকৈ ৰসালকৈ, সহজ পদ্ধতিত কৰিব পাৰি সেই কৌশল ছাত্ৰ ছাত্ৰী সকলৰ আগত প্ৰদৰ্শন কৰে। ছাত্ৰ-ছাত্ৰী সকলে গণিতৰ বিভিন্ন মডেল প্ৰস্তুত কৰি আনি সেইবোৰ প্ৰদৰ্শিত কৰি বিশেষজ্ঞ কেইগৰাকীক আদৰি অনাত তেখেতসকল অভিভূত হৈ পৰে। ভাৰতৰ কোনো ৰাজ্যত তেখেতসকলক এনেদৰে আদৰণি অনুষ্ঠান গণিত বিজ্ঞানৰ দ্বাৰা কৰা নাই বুলি প্ৰকাশ কৰে। ছাত্ৰ-ছাত্ৰী সকলৰ গণিত বিজ্ঞানৰ আগ্ৰহ দেখি বিজ্ঞানী কেইগৰাকীয়ে অতিশয় আনন্দ প্ৰকাশ কৰে আৰু আটাইকে ধন্যবাদ জ্ঞাপন কৰে।