বিশেষ বাৰ্তা, ১১ আগষ্ট : ঝুমুৰ সংগীত শিল্পী পদ্মশ্রী দুলাল মান্কিৰ ওপজা দিন প্রতিবছৰে পালন কৰিবলৈ ১২ আগষ্ট দিনটো ধার্য কৰা হৈছে ৷ এই উপলক্ষে তেওঁৰ শিক্ষাগুৰু তথা কবি ৰাম গোস্বামী-সেউজীয়া দেশ ন্যাস আৰু সাংস্কৃতিক গোষ্ঠী নানগিস্-এ যুটীয়াভাৱে জ্যোতি চিত্ৰবন ফিল্ম ষ্টুডিঅ’ৰ কনফাৰেন্স হলত দিনজোৰা কার্যসূচীৰে ওপজা দিন পালন কৰিব ৷ ভাৰত চৰকাৰৰ ক্রীড়া আৰু যুৱ কল্যাণ মন্ত্রালয়ৰ অধীনস্থ সংস্থা সদৌ অসম যোগাসন ক্রীড়া সন্থাই সদৌ অসম ভিত্তিত জনজাতীয় আৰু চাহ জনজাতিৰ ল’ৰা-ছোৱালীৰ মাজত যোগ প্রতিযোগিতাৰো আয়োজন কৰিছে ৷ প্রতিযোগিতাত বাছনিপ্রাপ্তসকলে অহা বছৰ ভাৰত চৰকাৰে পাতিবলগীয়া ৰাষ্ট্রীয় জনজাতীয় খেল সমাৰোহত অংশ ল’ব পাৰিব। অনুষ্ঠানত অসমৰ বিভিন্ন প্ৰান্তৰ পৰা ভালেমান লোকে নাম পঞ্জীয়ন কৰিছে বুলি আয়োজক বিকাশ গোস্বামীয়ে জনাইছে।