নিয়মীয়া বাৰ্তা, ১৩ এপ্ৰিলঃ ৰঙিয়াত বৃহৎ পৰিমাণৰ ড্ৰাগছসহ এজন সৰবৰাহকাৰী গ্ৰেপ্তাৰ হয়। ৰঙিয়াৰ পৰা হাজোলৈ ড্ৰাগছ সৰবৰাহ কৰি থকা মুহূৰ্তত হাতে-লোটে গ্ৰেপ্তাৰ হয় হাজোৰ ৰাতুল আলী । ৰঙিয়া আৰক্ষীয়ে এক গোপন সূত্ৰৰ পম খেদি ডিমু চকত গ্ৰেপ্তাৰ কৰে ৰাতুল আলীক । সৰবৰাহকাৰীজনে এখন স্কুটিৰে লৈ গৈ আছিল লক্ষাধিক টকা মুল্যৰ ড্ৰাগছৰ ৭০ টা কন্টেইনাৰ । ডিমু চকত খাপ পিটি থকা আৰক্ষীয়ে হাতে লোতে গ্ৰেপ্তাৰ কৰে ড্ৰাগছ সৰবৰাহকাৰীদনক । ধৃত ৰাতুল আলীয়ে দীৰ্ঘদিনৰ পৰা ড্ৰাগছৰ ব্যৱসায়ৰ লগত জড়িত থকাৰ অভিযোগ উত্থাপন হৈছে । ৰাতুলৰ স্বীকাৰোক্তি অনুসৰি হাজোৰ বগা আলীৰ পৰা ৰঙিয়াৰ হাইৱে চকত ক্ৰয় কৰিছিল ১২ গ্ৰাম ওজনৰ ড্ৰাগছখিনি । ধৃত অভিযুক্তজনক অধিক তথ্যৰ বাবে জেৰা অব্যাহত ৰাখিছে ডোবক আৰক্ষী চকীত ।
প্ৰেৰক ফাৰুক হুছেইন