বিশেষ বাৰ্তা, ২৮ মেঃ কিছুদিন পূৰ্বে অক্ষয় কুমাৰে কেদাৰনাথ মন্দিৰ ভ্ৰমণ কৰিবলৈ উপস্থিত হৈছিল। তেওঁ ইয়াৰ ছবি আৰু ভিডিঅ’শ্বেয়াৰ কৰিছিল। ইয়াৰ পিছত দেওবাৰে অভিনেতাগৰাকীৰ বদ্ৰীনাথ মন্দিৰ ভ্ৰমণৰ ছবি ছ’চিয়েল মিডিয়াত যথেষ্ট ভাইৰেল হৈ পৰিছে। এই সময়ত কপালত চন্দনৰ ফোঁট লগাই কটকটীয়া নিৰাপত্তাৰ মাজতে মন্দিৰত প্ৰৱেশ কৰিছে অক্ষয়। তেওঁলোকৰ চাৰিওফালে নিৰাপত্তাৰক্ষীৰ বেষ্টনী দেখা যায়। এই সময়ত তেওঁ মন্দিৰৰ বাহিৰত অনুৰাগীসকলকো সম্ভাষণ জনায়। অক্ষয় কুমাৰ এইকেইদিন ধৰ্মীয় যাত্ৰাত ব্যস্ত। এতিয়া বদ্ৰীনাথৰ পৰা তেওঁৰ কিছুমান ছবি চৰ্চালৈ আহিছে। অক্ষয় কুমাৰে আজি বদ্ৰীনাথত উপস্থিত হয়। এই সময়ত তেওঁৰ চাৰিওফালে যথেষ্ট নিৰাপত্তা দেখা গৈছিল। এই সময়ত অক্ষয় কুমাৰে ক’লা সাজ-পোছাক পৰিধান কৰিছিল। ক’লা টি-চাৰ্ট আৰু ক’লা পেণ্ট পিন্ধিছিল। ইয়াৰ লগতে ডিঙিত ৰুদ্ৰাক্ষৰ মালাও দেখা যায়। অক্ষয়ে কপালত চন্দনৰ তিলকো লগায়।