মুখ্যমন্ত্ৰীৰ আত্মনিৰ্ভৰ অসম ২.০ আচঁনিৰ জৰিয়তে কাৰ্বি আংলং আৰু পশ্চিম কাৰ্বি আংলঙৰ লগতে ডিমা হাছাও জিলাৰ দুই হাজাৰ যুৱক-যুৱতী হিতাধিকাৰীক দুই লাখ টকাৰ প্ৰথম কিস্তিৰ চেক প্ৰদান কৰে।
ৰাজ্যৰ ৭৫ হাজাৰ যুৱক-যুৱতীক আন্তনিৰ্ভৰ আঁচনিৰ জৰিয়তে ধন প্ৰদান কৰা হ’ব। আজি পৰ্যন্ত ৫০ হাজাৰ যুৱক-যুৱতীক চেক প্ৰদান কৰাৰ কথা উল্লেখ কৰে মুখ্যমন্ত্ৰীয়ে। ইয়াৰ উপৰি ৮ হাজাৰৰো অধিক কাৰ্বি আৰণ বাৰিম কুৰুছাৰ (পুৰোহিত)ক প্ৰথমবাৰৰ বাবে দহ হাজাৰ টকাৰ আৰ্থিক অনুদান আগবঢ়োৱা হয় অনুষ্ঠানৰ জৰিয়তে।
চেক বিতৰণ কাৰ্যসূচীত মন্ত্ৰী নন্দিতা গাৰ্লোছা, সাংসদ অমৰছিং তিছ’, কাৰ্বি আংলঙৰ চি ই এম তুলিৰাম ৰংহাং, কাৰ্বি ৰাজা লংছিং ৰংহাঙৰ উপৰি কাৰ্বি আংলং পৰিষদৰ কাৰ্যবাহী সদস্যসকল উপস্থিত থাকে।
বিশেষ বাৰ্তা, ডিফু, ১৭ ফেব্ৰুৱাৰী