নিয়মীয়া বাৰ্তা, ২১ অক্টোবৰঃ চাঞ্চল্যকৰ এছ আই পদৰ নিযুক্তি কেলেংকাৰিৰ মূল অভিযুক্ত কুমাৰ সঞ্জীত কৃষ্ণই ৪০ লাখ টকা জমা থোৱা ৰহস্যময়ী নাৰীৰ সন্ধান উলিয়াবলৈ গঠন কৰা হৈছে এটা বিশেষ গোট৷
জানিব পৰা মতে চিআইডিৰ অতিৰিক্ত আৰক্ষী অধীক্ষক পর্যায়ৰ নেতৃত্বত গঠন কৰা হৈছে বিশেষ গোটটো৷ উল্লেখ্য যে এছ আই পদৰ পৰীক্ষাৰ প্রশ্ণকাকত যোগান ধৰাৰ বাবদ দালাল ৰুবুল হাজৰিকাৰ পৰা ৪০ লাখ টকা লৈছিল কুমাৰ সঞ্জীত কৃষ্ণই৷ যোৱা ১৫ অক্টোবৰত সঞ্জীত কৃষ্ণই চিআইডিৰ ওচৰত আত্মসমর্পণ কৰাৰ আগ দিনা এগৰাকী ৰহস্যময়ী নাৰীক লগ ধৰি ৪০ লাখ টকা জমা দিছিল৷ আৰক্ষী অধীক্ষকজনৰ পৰা ধন লৈ মহিলাগৰাকীয়ে তীব্র গতিত গাড়ী চলাই গুচি গৈছিল৷ চমুকৈ এছ এছ নামেৰে পৰিচিত মহিলাগৰাকীয়ে উক্ত ধন ক’ত লুকুৱাই ৰাখিছে তাৰ সন্ধান উলিয়াবলৈ চি আই ডিয়ে আজি বিশেষ গোটটো গঠন কৰে৷