নিয়মীয়া বাৰ্তা, ১০ মে’ : সম্প্ৰতি সমগ্র বিশ্বৰ লগতে ভাৰত তথা অসমতো ক’ৰোনাৰ সর্বত্র আতংক ময় পৰিবেশ বিৰাজমান ৷ এনে বিভীষিকাময় পৰিস্থিতিৰ মাজতো স্বজাতি আৰু মাতৃভূমিক ৰক্ষার্থে কঁকালত টঙালি বান্ধি দিনে–নিশাই সেৱা আগবঢ়াই অসমক বচাই ৰাখিবলৈ সর্বতোপ্রকাৰৰ চেষ্টাত ব্রতী হৈছে ৰাজ্যৰ স্বাস্থ্যমন্ত্রী ড০ হিমন্ত বিশ্ব শর্মাই ৷ 
মন্ত্রী ড০ শর্মাই অসমবাসীৰ বাবে কৰা ত্যাগ আৰু কষ্টৰ সমভাগী হৈছে জালুকবাৰী সমষ্টিৰ প্রতিগৰাকী লোক ৷ এনে এগৰাকী মহান বীৰ যোদ্ধাৰ মানসিক আৰু শাৰীৰিক স্থিতি অধিক মজবুত তথা শক্তিশালী হোৱাতো অসমবাসীয়ে কামনা কৰিছে ।
তেনে উদ্দেশ্যেৰে আজি ভগৱানৰ ওচৰত প্রার্থনা জনাই সকলো জালুকবাৰীৰ সমষ্টিৰ ৰাইজে সন্ধিয়া ৬ বজাত নিজ নিজ পদূলিত এগছিকৈ বন্তি প্রজ্বলন কৰি মন্ত্ৰী ডঃহিমন্ত বিশ্ব শৰ্মাৰ কুশল প্রার্থনা কামনা কৰে ।
ভাৰতীয় জনতা পাৰ্টিৰ বেজেৰা মণ্ডল সমিতিৰ সভাপতি দিলীপ ডেকাই মন্ত্ৰী ডঃহিমন্ত বিশ্ব শৰ্মাৰ কুশল প্রার্থনা কামনাৰে পদুলি মুখত বন্তি প্ৰজ্বলন কৰাত সকলোকে ধন্যবাদ জ্ঞাপন কৰিছে।