সমগ্ৰ বিশ্বৰ বিভিন্ন প্ৰান্তৰ সমান্তৰালভাৱে আজি শোণিতপুৰৰ ৰঙাপৰাতো দিনজোৰা কাৰ্যসূচীৰে আন্তৰ্জাতিক নাৰী দিৱস উদযাপন কৰা হয় । অসম চাহ মজদুৰ সংঘৰ তেজপুৰ শাখাৰ উদ্যোগত ৰঙাপৰাত নাৰী দিৱসৰ লগত সংগতি ৰাখি এক সজাগতা ৰেলী উলিওৱা হয় ।
সজাগতা ৰেলীত চাহ মজদুৰ সংঘৰ তেজপুৰ শাখাৰ সাধাৰণ সম্পাদক সুনীল টুটিৰ লগতে কেইবাশ মহিলাই অংশগ্ৰহণ কৰে । অংশগ্ৰহণকাৰীসকলে হাতে হাতে বেনাৰ-ফেষ্টুন লৈ অসম চাহ মজদুৰ সংঘ জিন্দাবাদ, নাৰী শক্তি জিন্দাবাদ, নাৰী ঐক্য জিন্দাবাদ, নাৰীৰ সুৰক্ষা সুনিশ্চিত কৰক ইত্যাদি বিভিন্ন শ্লোগান দি সমগ্ৰ ৰঙাপৰা নগৰ পৰিভ্ৰমণ কৰে । সজাগতা ৰেলীৰ পিছতে এখন সজাগতা সভাও অনুষ্ঠিত কৰা হয় ।
নিয়মীয়া বাৰ্তা, বালিপৰা, ৮ মাৰ্চ :