বিশেষ বাৰ্তা, ২১ আগষ্ট : বক্স অফিচত খলকনি ৰজনীকান্তৰ ছবি ‘জেইলাৰ’ৰ। মুক্তিৰ প্ৰথম দিনাৰ পৰাই ছবিখনে প্ৰচণ্ড উপাৰ্জন কৰিছে। ছবিখনে মুক্তিৰ প্ৰথম সপ্তাহতে ৩৭৫ কোটি টকা সংগ্ৰহ কৰিছিল। এতিয়া ছবিখন ডাঙৰ পৰ্দাত অহাৰ ১২ দিন হ’ল আৰু জেইলাৰে বিশ্বজুৰি ৫০০ কোটি টকা সংগ্ৰহ কৰিছে। ‘জেইলাৰ’-এ একাদশ দিনত ১৮ কোটি টকাৰ ব্যৱসায় কৰিছে আৰু ইয়াৰ লগে লগে ছবিখনে ৫০০ কোটিৰ ক্লাবত যোগদান কৰিছে। ছবিখনে উত্তৰ অঞ্চলতকৈ দক্ষিণ অঞ্চলত অধিক উত্তেজনা দেখুৱাইছে। কেৱল তামিলনাডুতে ২০০ কোটি টকা উপাৰ্জন কৰিছে জেইলাৰে। সেই ফালৰ পৰা ‘পাঠান’ৰ পিছত ‘জেইলাৰ’-এ অভিলেখ গঢ়িব। ‘জেইলাৰ’ৰ দ্বাদশ দিনৰ সংগ্ৰহৰ কথা ক’বলৈ গ’লে দৈনিক জাগৰণত প্ৰকাশিত এক বাতৰি অনুসৰি ছবিখনে ৮.৫০ কোটি টকা উপাৰ্জন কৰিব পাৰে। ইয়াৰ পিছত ছবিখন আগবাঢ়ি যাব ১০০০ কোটিৰ ক্লাবত যোগদান কৰিবলৈ। যদিহে ৰজনীকান্তৰ ছবি জেইলাৰে ১০০০ কোটিৰ তালিকাত স্থান লাভ কৰে, তেন্তে এইখন এই বছৰৰ দ্বিতীয়খন ছবি হ’ব। ইয়াৰ পূৰ্বে ‘পাঠান’-এ নিজৰ নামত এই অভিলেখ কৰিছে। আজিকালি উত্তৰ ভাৰতত ‘গডৰ-২’ আৰু ‘অ’এমজি-২’ৰ ট্ৰেণ্ড হৈ আছে আৰু এনে পৰিস্থিতিত ‘জেইলাৰ’-এ উত্তৰ ভাৰতৰ ৰাজ্যৰ সমৰ্থন লাভ কৰা নাছিল। এনে পৰিস্থিতিত ৰজনীকান্তই উত্তৰ প্ৰদেশ ভ্ৰমণলৈ ৰাওনা হৈছিল। ৰজনীকান্তে উত্তৰ প্ৰদেশৰ মুখ্যমন্ত্ৰী যোগী আদিত্যনাথ আৰু প্ৰাক্তন মুখ্যমন্ত্ৰী অখিলেশ যাদৱক সাক্ষাৎ কৰে। ইয়াৰ লগতে তেওঁ অযোধ্যা পোৱাৰ পিছত ৰামলালালৈও গৈছিল। জেইলাৰত দেখা ৰজনীৰ একচন অৱতাৰ। ‘জেইলাৰ’ৰ কথা কওঁতে ছবিখনত সম্পূৰ্ণ একচন অৱতাৰত অভিনয় কৰিছে ৰজনীকান্তে। ছবিখনত আৰক্ষীৰ চৰিত্ৰত অভিনয় কৰিছে ৰজনীয়ে। ৰজনীকান্তৰ উপৰি ৰম্য কৃষ্ণন, তামান্না ভাটিয়া, বিনায়কন, বসন্ত ৰবি আৰু জেকী শ্ৰফেও জেইলাৰত গুৰুত্বপূৰ্ণ ভূমিকা পালন কৰিছে।