নিয়মীয়া বাৰ্তা, ৭জুনঃ ৰাজ্যত বন্ধ হৈ পৰিব ১৭খনকৈ হাইস্কুল। হাইস্কুল শিক্ষান্ত পৰীক্ষাত চৰকাৰী স্কুলৰ সাফল্যৰ পিছতে যিকেইখন চৰকাৰী বিদ্যালয়ৰ এজনো ছাত্ৰ-ছাত্ৰী হাইস্কুল শিক্ষান্ত পৰীক্ষাত উত্তীৰ্ণ হ’বলৈ সক্ষম নহ’ল উক্ত বিদ্য়ালয়কেইখন বন্ধ কৰাৰ সিদ্ধান্ত গ্ৰহণ কৰিছে ৰাজ্যৰ শিক্ষাবিভাগে। তদুপৰি ৭২ ঘণ্টাৰ ভিতৰতে অসমৰ বিভিন্ন জিলালৈ বদলি কৰা হ’ব শিক্ষকসকলক। সংবাদমেলত এই ঘোষণা শিক্ষামন্ত্ৰী হিমন্ত বিশ্ব শৰ্মাৰ। সেই বিদ্যালয়ৰ শিক্ষাৰ্থীসকলক কাষৰ বিদ্যালয়ত নামভৰ্তিৰ বাবে সুযোগ প্ৰদান কৰা হ’ব বুলিও মন্তব্য কৰে মন্ত্ৰী ড০ শৰ্মাই।