নিয়মীয়া বাৰ্তা, ১১ ছেপ্টেম্বৰঃ উলুবাৰীত বৃহস্পতিবাৰে দিনৰ প্রায় ১১ বজাত গেছ চিলিণ্ডাৰভর্তি এখন ট্রাক দুর্ঘটনাগ্রস্ত হয়৷ আৰক্ষীয়ে জানিবলৈ দিয়া মতে, এ এছ–২৫–এচি–০৩০৪ নম্বৰৰ গেছ চিলিণ্ডাৰ কঢ়িয়াই অনা ট্রাকচালকে নিয়ন্ত্রণ হেৰুৱাই এজোপা গছত খুন্দা মাৰে৷
দুর্ঘটনা সংঘটিত হোৱাৰ পাছতে ট্রাকখনৰ চালক আৰু হেণ্ডিমেন ঘটনাস্থলীৰ পৰা পলায়ন কৰে৷ প্রত্যক্ষদর্শীয়ে জানিবলৈ দিয়া মতে, দুর্ঘটনাটোত ট্রাকখনৰ চালক আৰু হেণ্ডিমেন আহত হৈছে যদিও আঘাত গুৰুতৰ নহয়৷