নিয়মীয়া বাৰ্তা, ৪ এপ্ৰিলঃ বলীউডৰ জনপ্ৰিয় অভিনেত্ৰী শশীকলা আৰু নাই। ‘৬০-‘৭০ৰ দশকৰ বলীউডৰ এগৰাকী বিখ্যাত অভিনেত্ৰী শশীকলা ওমপ্ৰকাশ চাইগলৰ আজি মুম্বাইৰ কোলাবাত দুপৰীয়া ১২ বজাত মৃত্যু হয়।
মৃত্যুৰ সময়ত অভিনেত্ৰীগৰাকীৰ বয়স আছিল ৮৮ বছৰ। প্ৰায় ১০০খনৰো চলচ্চিত্ৰত অভিনয় কৰা শশীকলাই নায়িকাৰ লগতে খলনায়িকাৰ চৰিত্ৰও ৰূপায়ণ কৰিছিল।
১৯৩২ চনৰ ৪ আগষ্টত জন্মলাভ কৰা শশীকলাই অভিনয় জীৱনত বহুকেইটা বঁটা-সন্মান লাভৰ লগতে দুটাকৈ ফিল্মফেয়াৰ এৱাৰ্ড আৰু ২০০৭ চনত ভাৰত চৰকাৰৰ দ্বাৰা পদ্মশ্ৰী সন্মানেৰে স্বীকৃত হৈছিল।
বোম্বে, ৰূপীয়া, ৰাজ ৰাণী, অৰ্জু, চৰকাৰ, অনুপমা, ফুল অৰ পাত্থৰ, পতি-পত্নী, ঘৰ ঘৰ কি কাহানী আদি বহু ছবিত ভিন্ন চৰিত্ৰত অভিনয় কৰিছে অভিনেত্ৰীগৰাকীয়ে।