নিয়মীয়া বাৰ্তা ১০ মাৰ্চঃ ক’ভিড–১৯ মহামাৰীৰ সংক্রমণৰ হটস্পট হিচাপে চিহ্ণিত হোৱা মহাৰাষ্ট্রৰ থানে জিলাৰ ১১টা স্থানত আগন্তুক ১৩ মার্চৰ পৰা লকডাউন বলৱৎ হ’ব৷ ১৩ মার্চৰ পৰা ৩১ মার্চলৈ এই অঞ্চলসমূহত লকডাউন জাৰি কৰিছে পৌৰ প্রশাসনে৷ কালি পৌৰ প্রশাসনৰ তৰফৰ পৰা এই কথা ঘোষণা কৰা হৈছে৷
থানে পৌৰ নিগমৰ আয়ুক্ত বিপিন শর্মাই জাৰি কৰিছে এই লকডাউন৷ বিগত কেইটামান দিনত থানেৰ বিভিন্ন স্থানত নতুনকৈ ক’ভিড–১৯ৰ সংক্রমণ বৃদ্ধি পোৱা বাবেই এই সিদ্ধান্ত গ্রহণ কৰা বুলি ঘোষণা কৰিছে আয়ুক্তগৰাকীয়ে৷