ডিজিটেল ডেস্ক, ৫ জুলাই : কেৰালামে বহুদিন ধৰি আয়ুর্বেদক কামত লগাই নিজৰ অর্থনীতিৰ মেৰুদণ্ড শক্তিশালী কৰি তুলিছে৷ ৰাজস্থান, গুজৰাটতো আয়ুর্বেদে অনেক অগ্রগতি লাভ কৰিছে৷ পশ্চিমবংগত শাসনৰ বাঘজৰী সলনি হোৱাৰ পিছত পুনৰ ৰাজ্যখনলৈ উভতি আহিছে আয়ুর্বেদৰ গুৰুত্ব৷ এনে পৰিস্থিতিত আয়ুর্বেদৰ বিশ্বজয়ৰ ব্লু–প্রিণ্ট প্রকাশ কৰে অর্থনীতিবিদ ড০ অশোক কুমাৰ লাহিড়ীয়ে৷
নিটি আয়োগৰ উপাধ্যক্ষৰ হাতত ধৰিয়েই আন্তঃৰাষ্ট্রীয় স্বাস্থ্য ব্যৱস্থাৰ মূলসুঁতিলৈ অনাৰ লক্ষ্যৰে নিটি আয়োগে প্রকাশ কৰিলে আয়ুর্বেদৰ গ্ল’বেল ৰোড মেপ৷ ইয়াৰ জৰিয়তে আগন্তুক দুই দশকত আয়ুর্বেদৰ বিশ্বায়নৰ ৰূপৰেখা তৈয়াৰ কৰা হ’ব৷ ড০ লাহিড়ীয়ে দাবী কৰে– ‘আয়ুর্বেদ কেৱল এটা ঐতিহ্যবাহী চিকিৎসা পদ্ধতিয়েই নহয়, ই ২১ শতিকাৰ ভাৰতৰ অন্যতম মূল্যৱান জ্ঞান সম্পদ৷’
নিটিৰ পত্রত কোৱা হৈছে যে ২০৪৭ চনৰ ভিতৰত এনে এটি পৰিৱেশ ৰচনা কৰা হ’ব, যাতে বিশ্বৰ বিভিন্ন দেশৰ স্বাস্থ্য ব্যৱস্থাত আয়ুর্বেদ স্বীকৃত আৰু গ্রহণযোগ্য হৈ পৰে৷ সেই লক্ষ্য পূৰণৰ বাবে একাধিক যুগান্তকাৰী প্রস্তাৱ লোৱা হৈছে৷ বিশ্বজুৰি আয়ুর্বেদ চিকিৎসক, শিক্ষা প্রতিষ্ঠান আৰু গৱেষণা সংস্থাসমূহক একেটা ছাতিৰ তললৈ আনিবলৈ ‘গ্ল’বেল আয়ুর্বেদ ৰেজিষ্ট্রী’ গঠনৰ পৰামর্শ দিয়া হৈছে৷ আন্তঃৰাষ্ট্রীয় সহযোগিতা বৃদ্ধি কৰিবলৈ প্রস্তাৱ দিয়া হৈছে ‘ৱর্ল্ড ফেডাৰেচন ফৰ আয়ুর্বেদ এণ্ড য়োগা’ গঠনৰ৷
আন্তঃৰাষ্ট্রীয় বজাৰৰ উপযোগী পৃথক ‘এক্সপ’ৰ্ট এডিচন আয়ুর্বেদিক ফার্মাক’পিয়া’ বৈজ্ঞানিক গৱেষণা, আন্তঃৰাষ্ট্রীয় ক্লিনিকেল ট্রায়েল, ডিজিটেল স্বাস্থ্যসেৱা, চিকিৎসা পর্যটন আৰু গ্ল’বেল ব্রেণ্ডিং সকলোবোৰকেই একেডাল সূতাৰে গাঁঠি এটা দীর্ঘম্যাদী কর্মপৰিকল্পনা প্রস্তুত কৰা হৈছে৷ পৰিকল্পনাৰ জোৰত চাইনিজ ট্রেডিচনেল মেডিচিনে আজি বিশ্বজুৰি সমীহ আদায় কৰিছে৷ এইবাৰ আয়ুর্বেদৰ পাল৷