সুশান্তৰ আত্মহত্যা সন্দৰ্ভত শীঘ্ৰে প্ৰেয়সী ৰিয়া চক্ৰৱৰ্তীক সোধাপোছা কৰিব মুম্বাই আৰক্ষীয়ে

নিয়মীয়া বাৰ্তা ১৫ জুনঃ দেওবাৰে প্রতিভাৱান যুৱ অভিনেতা সুশান্ত সিং ৰাজপুতৰ মৃতদেহ উদ্ধাৰ হ’ল বান্দ্রাৰ নিজৰ বাসগৃহত ৷ মুম্বাই আৰক্ষীৰ ডিচিপি অভিষেক ত্রিমুখেই জনোৱা মতে, সুশান্তই আত্মহত্যা কৰা বুলি প্রাথমিক তদন্তত নিশ্চিত কৰা হৈছে৷

শেহতীয়াকৈ মুম্বাই আৰক্ষীৰ এক সূত্ৰই জনোৱা মতে, এই আত্মহত্যাৰ ঘটনা সন্দৰ্ভত মুম্বাই আৰক্ষীয়ে শীঘ্ৰে অভিনেতাজনৰ প্ৰেয়সী ৰিয়া চক্ৰৱৰ্তীক সোধাপোছা কৰিব ।

ইপিনে সুশান্তৰ মোবাইল ফোনৰ ৰেকৰ্ড চোৱাত অভিনেতাজনে শনিবাৰে পুৱতি নিশা প্ৰায় ৩ বজাত তেওঁৰ বন্ধু মহেশ চেট্টীলৈ অন্তিমটো ফোন কৰিছিল । অৱশ্যে মহেশে এই ফোন ৰিচিভ কৰা নাছিল । কিন্তু তেওঁৰ কল লিষ্টৰ ভিত্তিত বন্ধু মহেশ চেট্টীও আৰক্ষীৰ তদন্তৰ আওতালৈ অহাৰ সম্ভৱনা আছে ।

উল্লেখ্য যে পাটনাত জন্মগ্রহণ কৰা সুশান্ত মাতৃৰ সৈতে অত্যন্ত ঘনিষ্ঠ আছিল৷ ছ’চিয়েল মিডিয়াত প্রায়ে তেওঁৰ প’ষ্টসমূহত মাতৃৰ বিষয়ে উল্লেখ কৰিছিল৷