নিয়মীয়া বাৰ্তা ডিজিটেল, ৩০ মাৰ্চঃ ৰাজনীতিত ভৰি দিয়েই বলীউডৰ অভিনেত্রী কংগনা ৰানাৱাটে পর্দাৰ বাহিৰতো নিজকে ‘মনিকর্নিকা’ ৰূপে প্রতিষ্ঠা কৰাৰ চেষ্টা চলাইছে৷ বিজেপিৰ প্রার্থী হিচাপে নির্বাচনত প্রতিদ্বন্দ্বিতা কৰা কংগনাই হিমাচল প্রদেশত নিজ সমষ্টি মাণ্ডিত উপস্থিত হৈ আজি আৰম্ভ কৰিলে প্রচাৰ৷ মাণ্ডিৰ ৰাজপথত হুডখোলা গাড়ীত কংগনাই মেগা ৰোডশ্ব’ত অংশগ্রহণ কৰি হুংকাৰ দিলে– ‘হিৰোইন নহয়, মই মাণ্ডিৰ জীয়ৰী৷’ বগা ৰঙৰ পোছাক পৰিহিতা কংগনাই ভোটাৰক আকর্ষণ কৰিবলৈ চেষ্টা চলোৱা দেখা গ’ল৷ এগৰাকী জননেত্রী হিচাপে নিজক প্রতিষ্ঠা কৰাৰ বাবে বিভিন্ন কৌশল আৰম্ভ কৰিছে কংগনা ৰাণাৱটে৷ মাণ্ডিত কংগনা মেজিকেৰে বিজেপিয়ে বিজয় সাব্যস্ত কৰিব বুলি বিভিন্ন মহলে ধাৰণা কৰিছে৷