নিয়মীয়া বাৰ্তা
অসমৰ সৰ্বাধিক প্ৰচলিত দৈনিক বাতৰিকাকত

ত্রিপুৰা স্বায়ত্ত জিলা পৰিষদৰ নির্বাচনত শাসকীয় বিজেপি মিত্রজোঁটৰ পৰাজয়

নিয়মীয়া বাৰ্তা, ১১ এপ্ৰিলঃ ত্রিপুৰা স্বায়ত্ত জিলা পৰিষদৰ নির্বাচনত শাসকীয় বিজেপি মিত্রজোঁটে শোচনীয় পৰাজয়ৰ সন্মুখীন হয়৷ স্বায়ত্ত জিলা পৰিষদখনৰ ২৮খন আসনৰ ভিতৰত শাসকীয় বিজেপিয়ে মাত্র ৯খন আসন লাভ কৰিবলৈ সক্ষম হয়৷

নির্বাচনত নতুনকৈ গঠিত দ্য ইণ্ডিজিনিয়াছ প্র’গ্রেছিভ ৰিজনেল এলায়েঞ্চ, চমুকৈ টিপৰাই ১৮খন আসন লাভ কৰি সংখ্যাগৰিষ্ঠ দল হিচাপে পৰিগণিত হয়৷ টিপৰা হৈছে ৰাজ্যখনৰ ৰাজপৰিয়ালৰ প্রদ্যুৎ মাণিক্য দেৱবর্মনৰ নেতৃত্বত নতুনকৈ গঠিত দল৷ উল্লেখ্য যে নাগৰিকত্ব আইনক লৈ কংগ্রেছৰ সৈতে মতভেদ হোৱাত যোৱা ছেপ্ঢেম্বৰত প্রদ্যুৎ মাণিক্য দেৱবর্মনে ৰাজ্যখনৰ কংগ্রেছৰ সভাপতি পদ ত্যাগ কৰিছিল৷ স্বায়ত্ত জিলা পৰিষদৰ ৩০খন আসনৰ ভিতৰত ২৮খন নির্বাচনৰ জৰিয়তে আৰু দুখন আসন ৰাজ্যপালৰ দ্বাৰা মনোনীত হয়৷

You might also like