নিয়মীয়া বাৰ্তা, ২৪ এপ্ৰিলঃ গোলাঘাটত নাহৰফুটুকী নৃশংসভাৱে হত্যা কৰা ৪ হত্যাকাৰীক গ্ৰেপ্তাৰ কৰা হৈছে । ১৮ এপ্ৰিলত জিলাখনৰ আহোমগাঁৱৰ ৪ দুৰ্বৃত্তই হত্যা কৰিছিল এটা নাহৰফুটুকী বাঘ।
ইপিনে নাহৰফুটুকীটো হত্যা কৰি শৰীৰৰ বিভিন্ন অংশ কাটি ভাগ কৰিছিল দুৰ্বৃত্তৰ দলটোৱে । আৰক্ষীয়ে অভিযান চলাই বৃহস্পতিবাৰে গ্ৰেপ্তাৰ কৰে গাঁওখনৰ জোৰমন গগৈ, ৰক্তিম গগৈ, থগিৰাম গগৈ আৰু নিত্যানন্দ শইকীয়াক ।
ইয়াৰোপৰি এই ঘটনাৰ সৈতে জড়িত আৰু একাংশ লোকক গ্ৰেপ্তাৰ কৰাৰ সম্ভৱনা আছে । সম্প্ৰতি আৰক্ষীয়ে এই সন্দৰ্ভত তদন্ত অব্যাহত ৰাখিছে ।