নিয়মীয়া বাৰ্তা, ২১ জানুৱাৰীঃ মহাপুৰুষ শ্ৰীমন্ত শংকৰদেৱ বিশ্ববিদ্যালয়ৰ কাইলৈ অৰ্থাৎ ২২ জানুৱাৰীত অনুষ্ঠিত হ’বলগীয়া প্ৰাক্তন শিক্ষাৰ্থী সন্মিলন স্থগিত ৰখা হৈছে । ক’ভিড পৰিৱেশ আৰু পৰিস্থিতিৰ প্ৰতি লক্ষ্য ৰাখি, ৰাজ্য চৰকাৰৰ এচ.অ’.পি ৰ প্ৰতি গুৰুত্ব দি বিশ্ববিদ্যালয়খনৰ প্ৰথমখন প্ৰাক্তন শিক্ষাৰ্থী সন্মিলন স্থগিত কৰা হৈছে বুলি সংবাদ মাধ্যমক জনাইছে আয়োজক সমিতিৰ সভাপতি অখিল কুমাৰ বৰা আৰু সম্পাদক গৌৰী প্ৰসাদ শৰ্মা । পৰিৱেশ সুস্থিৰ হ’লে পুনৰ এই সন্মিলন আয়োজন কৰা হ’ব বুলিও আয়োজক সমিতিয়ে জনাইছে ৷