নিয়মীয়া বাৰ্তা, ১৯ নৱেম্বৰঃ চাৰিখন মেচৰ টেষ্ট শৃংখলাৰ প্রতি লক্ষ্য ৰাখি টীম ইণ্ডিয়াৰ তাৰকা বেগী বলাৰ যশপ্রীত বুমৰাহ আৰু মহম্মদ ছামিক সমাগত এদিনীয়া আৰু টি–২০ শৃংখলাত সালসলনিকৈ বিশ্রাম দিয়া হ’ব৷ দুয়োগৰাকী বেগী বলাৰ টেষ্ট শৃংখলালৈ যাতে সম্পূর্ণ সুস্থ হৈ থাকে, তাৰ প্রতি লক্ষ্য ৰাখি মুখ্য প্রশিক্ষক ৰবি শাস্ত্রী, অধিনায়ক বিৰাট কোহলি আৰু বলিং প্রশিক্ষক ভৰত অৰুণে এই পৰিকল্পনা যুগুত কৰিছে৷ উল্লেখ্য যে ভাৰতে অহা ২৭ নৱেম্বৰৰ পৰা ৮ ডিচেম্বৰৰ ভিতৰত অষ্ট্রেলিয়াৰ বিৰুদ্ধে তিনিখন এদিনীয়া আৰু তিনিখন টি–২০ মেচ খেলিব৷