বিশেষ বাৰ্তা,, ২৮ অক্টোবৰ : অসম আন্দোলনৰ শ্বহীদসকলৰ সোঁৱৰণত নাহৰকটীয়া আঞ্চলিক ছাত্ৰ সন্থাৰ উদ্যোগত অনুষ্ঠিত হৈ অহা শ্বহীদ সোঁৱৰণী ফুটবল প্ৰতিযোগিতাই আজি ৩৭ তম বৰ্ষত ভৰি দিলেহি। উল্লেখযোগ্য যে মুকলি আৰু বিদ্যালয় দুটা শাখাত অনুষ্ঠিত হোৱা আৰু মুকলি শাখাত ১২টা দল আৰু বিদ্যালয় শাখাত ৮টা দলে অংশগ্ৰহণ কৰা এইবাৰ প্ৰতিযোগিতাখন আনুষ্ঠানিকভাৱে উদ্বোধন কৰে নাহৰকটীয়া উচ্চতৰ মাধ্যমিক বিদ্যালয়ৰ অধ্যক্ষ তৰংগ কল্লোল শইকীয়াই। উল্লেখ্য যে প্ৰাক্তন আন্তঃৰাষ্ট্ৰীয় ফুটবলাৰ তচেন বড়া, প্ৰাক্তন আছু নেতা পজিউদ্দীন আহমেদ, প্ৰাক্তন খেলুৱৈ সুশান্ত ঢেকিয়াল, ডিব্ৰুগড় জিলা ছাত্ৰ সন্থাৰ সাংগঠনিক সম্পাদক বিতোপন গগৈ, কাৰ্যনিৰ্বাহক ঋতুপৰ্ণ গগৈ, নাহৰকটীয়া আঞ্চলিক ছাত্ৰ সন্থাৰ উপদেষ্টা প্ৰাঞ্জল প্ৰতীম গগৈ, সভাপতি ত্ৰিদিব শইকীয়া, সাধাৰণ সম্পাদক নিপু ভূঞা সাংবাদিক সাজন চৌধুৰী, উৎপল চলিহা, দীপাংকৰ কাকতীকে আদি কৰি কেইবাগৰাকীও বিশিষ্ট ব্যক্তি উপস্থিত থকা তথা নামৰূপ বি ভি এফ চি এল উচ্চতৰ মাধ্যমিক বিদ্যালয়ে নাহৰকটীয়া চেণ্ট জেভিয়াৰ্ছ বিদ্যালয়ক ৫-১ গলৰ ব্যৱধানত পৰাজিত কৰি পৰৱৰ্তী ৰাউণ্ডত প্ৰৱেশ কৰে।
প্ৰেৰক প্ৰাঞ্জল ভূঞা