নিয়মীয়া বাৰ্তা ১৪ আগষ্টঃ মহামাৰী ক’ভিড–১৯ৰ বাবে ২০২১ৰ ২৩ জুলাইলৈ পিছুওৱা টকিঅ’ অলিম্পিকত ভাৰতীয় দলৰ অফিচিয়েল স্পনছৰ হ’ব ইন’ক্স গ্রুপ৷ ভাৰতীয় অলিম্পিক সন্থাই আজি এই কথা সদৰী কৰে৷ ‘ইন’ক্স গ্রুপৰ সৈতে আমাৰ অংশীদাৰিত্বই দেশৰ সকলো এথলীট আৰু ক্রীড়া সংগঠনসমূহক লাভান্বিত কৰিব৷
বর্তমানৰ আর্থিক মন্থৰতাৰ সময়তো কোম্পানীটোৱে ভাৰতীয় এথলীটসকলৰ সৈতে জড়িত হ’বলৈ আগবাঢ়ি অহাৰ বাবে মই ইন’ক্স গ্রুপক ধন্যবাদ জনাইছোঁ৷’– অলিম্পিক সন্থাৰ সাধাৰণ সচিব ৰাজীৱ মেহতাই এইদৰে কয়৷ উল্লেখ্য যে ইয়াৰ পূর্বেও ইন’ক্স গ্রুপে টেবুল টেনিছ, ফুটবল, বেডমিণ্টন, বাস্কেটবল আৰু ক্রিকেটৰ সৈতে জড়িত হৈছিল৷ মন কৰিবলগীয়া যে চলিত বর্ষত অনুষ্ঠিত হ’বলগীয়া টকি’ অলিম্পিক মহামাৰীৰ বাবে এবছৰলৈ পিছুৱাই দিয়া হৈছে৷