নিয়মীয়া বাৰ্তা, ২৬ অক্টোবৰঃ ভাৰতীয় ক্রিকেট নিয়ন্ত্রণ ব’ৰ্ডৰ ঐশ্বর্যশালী টি–২০ প্রতিযোগিতা ইণ্ডিয়ান প্রিমিয়াৰ লীগত জয়ৰ ধাৰা অব্যাহত ৰখাৰ বাবে আজি কিংছ একাদশ পঞ্জাবৰ মুখামুখি হ’ব কলকাতা নাইট ৰাইডাৰ্ছ। এতিয়ালৈকে প্রতিযোগিতাখনত দুয়োটা দলে ১১ খন মেচ খেলাৰ বিপৰীতে কেকেআৰৰে ১২ পইণ্ট সংগ্রহ কৰাৰ বিপৰীতে পঞ্জাৱে ১০ পইণ্ট সংগ্রহ কৰিছে৷
শেহতীয়াভাৱে জয়ৰ ধাৰালৈ উভতি অহা কিংছ একাদশ পঞ্জাবৰ অধিনায়ক ৰাহুলৰ লগতে মায়ংক, গেইল আৰু নিকোলাছ পুৰান বর্তমান সুন্দৰ ফর্মত আছে। আনহাতে দিল্লীক হৰুৱাই প্লে-অফৰ দিশে অগ্ৰসৰ হৈছে কলকাতা নাইট ৰাইডাৰ্ছ। বিশেষকৈ দিল্লীৰ বিপক্ষে নীতীশ ৰানা আৰু সুনীল নাৰিনক সুন্দৰ ফৰ্মত দেখিবলৈ পোৱা গৈছিল। লগতে কেকেআৰৰ বৰুণ চক্ৰৱৰ্তীয়েও সুন্দৰ স্পীনৰ যাদু দেখুৱাই দলক জয়ৰ সোৱাদ দিবলৈ সক্ষম হৈছিল।
উল্লেখ্য যে ৬ খন খেলত বিজয় লাভ কৰি পইণ্ট তালিকাৰ ৪ নম্বৰ স্থানত আছে কেকেআৰ, বিপৰীতে ৫ খন খেলত জয় লাভ কৰি তালিকাৰ ৫ নং স্থানত আছে কিংছ একাদশ পঞ্জাব।
খেলৰ সময়ঃ সন্ধিয়া ৭.৩০ বজা৷