নিয়মীয়া বাৰ্তা, ১৬ জানুৱাৰীঃ ভোগালীৰ আনন্দ উলাহত মতলীয়া ৰাজ্যবাসী। নগৰবেৰাৰ মালঞ্চা গাঁৱত যুৱক বৃন্দই মঙলবাৰৰ পৰা উদ্বোধন কৰে তিনিদিনীয়া কাৰ্যসূচীৰ প্ৰাইজমানী ক্ৰিকেট প্ৰতিযোগিতা। পুৱা খেলৰ পতাকা উত্তোলন কৰে নগৰবেৰা মৌজা কমিটিৰ সম্পাদক, শিক্ষক ভবেশ তালুকদাৰে আৰু পৰৱৰ্তী সময়ত খেলৰ কাৰ্যালয়ৰ ফিতা কাটি মুকলি কৰে নগৰবেৰা বিমলা প্ৰসাদ চলিহা মহাবিদ্যালয়ৰ অৱসৰপ্ৰাপ্ত অধ্যক্ষ ড° বিভূতি ভুষণ পাণ্ডাই। গাঁৱৰ পুৰুষ-মহিলা সকলোৰে উপস্থিতিত যুৱকবৃন্দই আয়োজন কৰা প্ৰতিযোগিতাত অৱসৰপ্ৰাপ্ত আৰক্ষী বিষয়া কুমুদ কলিতা আৰু যুৱ ব্যৱসায়ী আবুল বাসাৰ আনচাৰীয়ে হাতত বেট-বল লৈ খেলপথাৰ মুকলি কৰে। উদ্বোধনী খেলখন মালঞ্চা ক্ৰিকেট ক্লাৱ আৰু দোমনাপাৰা ক্ৰিকেট দলৰ মাজত অনুষ্ঠিত হয়। খেলপথাৰত গাঁৱৰ যুৱক-যুৱতী সকলোৱে অতি শৃঙ্খলাৱদ্ধভাবে উদ্বোধনী পৰ্ব আগুৱাই নিয়ে। খেলৰ পূৰ্বে বিশিষ্ট অতিথিসকলক একোখনকৈ সম্বৰ্ধনা জনোৱা হয়। খেল পৰিচালনা সমিতিৰ সভাপতি নিশিকান্ত কলিতা আৰু গাঁৱৰ যুৱকবৃন্দই তিনিদিনীয়াকৈ চলিবলগীয়া প্ৰতিযোগিতাত সকলোৰে উপস্থিতি আৰু সহযোগিতা আন্তৰিকতাৰে কামনা কৰিছে। খেলত কেবাটাও ক্ৰিকেট দলে অংশ লোৱা বুলিও জানিব পৰা গৈছে।
প্ৰেৰক সঞ্জীৱ কুমাৰ দাস